Kana sangoe mah sarerea oge geus pada terang, da tatali hoerip tea. Tapi babakoena tarerang na teh ngan kana sangoe biasa bae, ari kana sangoe sedjen ti biasa mah moal kabeh tarerang. Dina Oost-Indisch Koekboek aja 22 roepa sangoe noe ditjaritakeun njieunna. Loba pisan anoe katimbang perloe diasoepkeun kana Volksalmanak.
Koe sabab eta, ieu di handap ditoeliskeun koemaha njieunna roepa-roepa sangoe, dipilih noe pangperloena.
1. LIWET POELOE
Beas 2 ½ pond, hajam noe gadjih hidji, tjai 3 liter (6 botol limoen), pala sahidji diparoed, oejah 2 sendok teh.
Njieunna:
Hajam tea digodog make sambara anoe ditataan di loehoer, nepi ka tjaina kari satengahna deui. Kaldoena koedoe mindeng dipitjeunan boedahna. Ti dinja hajamna ditjokot; kaldoena dipake ngaliwet beas tea; tapi seuneuna oelah gede teuing, koedeoe diganggang bae. Eta liwet koedoe diakeul dina pangliwetanana bae, sarta harita keneh koedoe diratakeun deui.
Disadiakeunana: hajamna koedoe dikeureutan heula, toeloej diteundeun di sakoeriling sangoe.
2. LIWET TOERKI ATAWA LIWET PERSI
Kasedep Pameget
Beas 1½ pond, laoek domba 2 pond, kemir (tomat) 5 atawa 6 beunang ngoeloeb, pedes, oejah.
Njieunna:
Laoek domba tea koedoe digodog nepi ka asak pisan, nepi ka toelang-toelangna beunang dipolotjonkeun. Kaldoena disaring dipake ngaliwet beas noe 1½ pond tea, disambaraan koe pedes djueng oejah. Dagingna dikeureutan parasagi tjara gambir. Tjai pangoeloeban kemir disaring, toeloej ditjitjikeun kana liwet, dikotjek. Asakan koedoe nepi ka kentel, oelah kaliwat teuing nepi ka liket.
Didaharna koedoe haneut haneut.
Sumber :
Kang Sam Askari Soemadipradja Indonesia Tempo Doeloe
LIWET MADJA,..diaranan Madja koelantaran resep nyangoe model liwet ieu biasa dipake ku toekang gali asal Madjalengka anoe aroesaha boeboeroeh macoel di kota .Wadah jang ngaliwet biasana tina pantji atawa kastrol kentob, beas toetoe bawa ti lemboer,biasana tara diisikan heula,langsung wae ditagenken dina hawoe dadakan, dipoeroeloekan ujah saeutik. Sanggeus sangoe satengah asak loehoerna ditoempangan asin peda betja.Lamoen hajang mirasa biasana toekang gali sok daraharna deukeut waroeng sangoe,..tjoekoep wae ku modal meuli koeroepoek blek doea siki, bisa ngedoek sambel gratis.Aja ku ni'mat,...sanggeus satengah poe ngetjroek matjoel, sangoe liwet haneut tumpangan beda betja,koeroepeok blek...lah mak njoes tenan
Sumber :
Pak Dhede Ciptamas, Indonesia Tempo Doeloe
Tidak ada komentar:
Posting Komentar